ترنيمة في مذود البقر

لتحميل الترنيمة اضغط هنا

فيديو عن عيد الميلاد

لتحميل فيديو حواديت الخضروات عن عيد الميلاد اضغط هنا + باللغة العربية + مدته عشرون دقيقة

أهدافنا في العام الجديد

في البداية تحتاج لاعداد لعبة من ألعاب "النيشان" حسب الخامات المتاحة. مثال: تحتاج إلى طبق و عدد من الأزرار. يحاول كل من المخدومين إصابة الهدف بالقاء الأزرار في الطبق من البعد الذي تقوم بتحديده. و لكل لاعب ثلاثة محاولات المناقشة: هل قمت باصابة الهدف من المحاولة الأولى؟ هل أفادتك المحاولات العديدة حتى تلك التي لم تنجح فيها؟ إلخ. هذا الطبق الفارغ يمثل عامنا الجديد الذي سوف يمتلئ بالعديد من الأنشطة و الخبرات. أما القاء الأزرار فهو يمثل محاولاتنا في إصابة أهدافنا. ناقش مع المخدومين أهدافهم للعام الجديد و أهمية المحاولة مرات عديدة و المثابرة لتحقيق أهدافنا قم بقراءة الرسالة إلى فيلبي الإصحاح الثالث، آية 12 إلى 14 و ناقش معهم هدفنا الأهم و الأعظم في الحياة هل تتفق أهدافك مع هذا الهدف و هل تؤدي إليه؟ Source: http://www.childrensministry.com/article.asp?ID=861

رحلة من سكان الفضاء

قرر مجموعة من سكان الفضاء أن يتعرفوا علي بني البشر. أخذوا مركبة فضائية وانطلقوا إلى الأرض حيث التقوا مع جماعة من البشر. قال أحد سكان الفضاء: أي شيء مثير وعجيب أنتم فعلتموه؟ أجاب إنسان: لقد استطعنا أن نصنع مركبة فضاء، ويذهب الإنسان إلى القمر. قال ساكن الفضاء: هذا ليس بشيء، فنحن نستخدمها منذ زمان طويل قبل أن تتعرفوا عليها. ماذا فعلتم أيضًا؟ قال الإنسان: لقد اخترعنا الكومبيوتر. جهاز صغير جدًا يحوي معلومات وإمكانيات جبارة، ونتوقع الكثير من هذا الاختراع. في سخرية قال ساكن الفضاء: وهذا أيضًا نعرفه منذ زمان طويل،إنكم متأخرون جدًا، ماذا أيضًا. قال الإنسان : لقد نزل إلينا كلمة الله الخالق، وصار إنسانًا، وحلّ بيننا، وصنع عجائب لا تُحد. علق ساكن الفضاء: "يالك من كائن عزيز جدًا لدى الله، محبوب لديه! لقد خلق المسكونة كلها من أجلك! يا لها من كرامة عظيمة أن يصير إلهنا إنسانًا. أخبرني ماذا فعلت حين نزل إليك كلمة الله المتجسد؟" قال الإنسان: قتلناه معلقًا علي الصليب! يا لجحودي، نزلتَ إليَّ لترفعني إليك. تنشغل بي وتقترب إليَّ. وأنا في غباوة أصلبك كل يوم بخطاياي! من يغير طبيعتي، فيهبني روح الشكر عوض الجحود؟! http://stgeorge-sporting.org/mcc/stories.php

أفكار لتبادل هدايا العيد

  قم بكتابة أسماء المخدومين على قطع أوراق صغيرة. يسحب كل فرد اسم الشخص الذي يجب أن يحضر له هدية صغيرة يضعها باسمه تحت شجرة عيد الميلاد 

أو
+يمكن أن يضع كل شخص هدية رمزية مغلفة تحت الشجرة ثم يختاركل فرد هديته

  

مسابقة

قم بتحضير أسئلة كمسابقة بين مجموعات قم بلصق الأسئلة في السطح الأسفل لكراسي المخدومين و ليكن لون الورق وسيلة لتقسيمهم إلى مجموعات

المِصْفاة المثلَّثة

كثيراً ما نسمع قصصاً تُنسب إلى الفيلسوف اليوناني القديم ”سقراط“. وبالرغم من أنه كما يُذكر عنه كان يعيش في التاريخ السحيق، فلا يُعرف ما إذا كان قد قال هذه القصص أم لا، إلاَّ أنها تحوي من القِيَم والمُثُل الجديرة بسردها، ما نحتاج إلى تذكُّرها في أيامنا الحاضرة. وهذه هي إحدى هذه القصص:

- فقد اشتُهِرَ عن سقراط هذا أنه يحمل في نفسه معرفة فائقة. فقد قابله - يوماً ما - أحد معارفه، فطفق يقول لـه:

- ”أَلاَ تعلم ما سمعته حالاً عن صديقك (...)“.

فأجابه سقراط:

- ”مهلاً، دقيقة من فضلك! فقبل أن تُخبرني بأي شيء، فإني أُريد أن تَعْبُر على اختبار صغير. إنه اختبار "المِصْفاة المثلَّثة"“!

- فردَّ عليه متعجِّباً: ”المِصْفاة المثلَّثة“؟

فأكمل سقراط كلامه قائلاً:

- ”نعم، فقبل أن تُخبرني عن صديقي، فمِن المستحسن أن تتمهَّل للحظة وتُصفِّي ما تنوي أن تقوله. وهذا هو السبب الذي أطلقت عليه اسم اختبار "المِصْفاة المثلَّثة"“.

واستطرد قائلاً:

- ”فأول مِصْفاة هي "صِدْق ما ستقوله". فهل أنت متأكِّد تماماً ومطلقاً بأن ما تنوي أن تقوله هو حقيقي“؟

فردَّ الرجل:

- ”لا، فالحقيقة أني سمعتُ عن ذلك، و...“.

فقاطعه سقراط قائلاً:

- ”حسناً جداً، إذن، فأنت لا تعرف ما إذا كان ما ستقوله حقيقة أم لا. والآن، هَلُمَّ نجرِّب المِصْفاة الثانية، إنها "الصلاح"، أي نوعية الخبر: خبر سار أم خبر سيِّئ. فهل ما أنت تنوي أن تُخبرني به عن صديقي أمرٌ صالح أم لا“؟

- ”لا، على العكس...“.

وقاطعه سقراط مرة أخرى، واستطرد في الحديث قائلاً:

- ”إذن، فأنت تريد أن تُخبرني بأمر سيِّئ عنه، كما أنك لستَ متأكِّداً ما إذا كان حقيقة! وما زال عليك أن تَعْبُر على الاختبار الثالث: "مِصْفاة النفع".

فهل ما أنت تريد أن تُخبرني به عن صديقي سيؤول لي إلى نفع أم لا“؟

- ”لا، ليس بذي نفع لك“.

وأكمل سقراط حديثه:

- ”فإذا كنتَ تريد أن تُخبرني بما ليس هو حقيقة، ولا صالحاً، ولا حتى نافعاً لي؛ فلماذا تُخبرني به أصلاً“؟

وانصرف الاثنان.

For more details: http://www.stmacariusmonastery.org/st_mark/sm100613.htm

شبكةالمناقشة

فكرة بسيطة و مبتكرة لقيادة أي مناقشة و توضيح مبدأ التكامل داخل المجموعة، و يمكن استخدامها بطرق متعددة تقف المجموعة على صورة دائرة و يقف قائد المناقشة في الوسط ممسكا ببكرة من الخيط يسأل القائد سؤال ثم يلقي ببكرةالخيط للشخص المجيب عن سؤاله و يظل ممسكا بطرف الخيط. تدورالمناقشة بنفس الصورة بحيث يمسك كل مشارك في المناقشة بجزء من الخيط ثم يلقي بالبكرة للمشارك التالي حتى تتكون شبكة فريدة من الخيط يكون كل الحاضرين أعضاء مشاركين فيها + يفضل اشتراك كل فرد مرة واحدة + يفضل ترابط المناقشةبحيث يعتمد كل سؤال على الاجابة السابقة له + يمكن تصوير الشكل النهائي لشبكةالمناقشة في النهاية يقوم القائد بالتعليق على فرادة الشبكة و دور كل فرد في تكوين هذا الشكل الفريد أو بمعنى أصح الدور الفعال لكل فرد في الصورة النهائية للمناقشة المتكاملة

اكتب على الترابيزة

تصلح هذه الفكرة لأي ندوة أو درس كتاب قم بتغطية كلالترابيزات بمفارش ورقية أو أفرخ من الورق، و قم بتوفير أقلام ملونة لكل ترابيزة. شجع الحاضرين على تدوين كل الأفكار و الخواطر و الأسئلة التي تتوارد إليهم أثناء استماعهم للمتكلم، و التعبير عنها بالرسم أو الكتابة بأي صورة تحلو لهم على مفارش الترابيزة 

هل لاحظت هذه الأمور ؟

هل لاحظت هذه الأمور، وأنت تسير فى الشارع فى يوم مشمس ؟

· إذا كانت الشمس فوقك ، فإن ظلك يكون تحتك .

· إذا كانت الشمس أمامك ، فإن ظلك يعدو خلفك .

· إذا كانت الشمس وراءك ، فإن ظلك يتقدمك .

الشمس هنا ترمز إلى الله ، فماذا يعنى الظل إذاً ؟

· لو جعلت الله فوقك لصار العالم تحت قدميك .

· ولو وضعت الله أمامك لصار العالم كله خلفك ، وراء ظهرك ....

· أما لو طرَحَتَ الله وراءك لصار العالم كله أمامك ، وكلما زاد

بعدك عن الله ، كلما كبر العالم أمامك

اصنع بنفسك: طباعات من الفوم

+ قم برسم أشكال بسيطة على قطع من الفوم الملون المعروف بالبوري -يباع في الموسكي-.يمكنك الاستعانة بورق الكاربون للرسم +

+ قم بقص عدد كافي و متنوع من الأشكال و الصق كل منها على قطعة مربعة سميكة من الفوم + + الآن لديك عدد من الطباعات الرائعة الممكن للمخدومين استخدامها مرات عديدة و في أنشطة متنوعة. كل ما يحتاجونه هو تلوينها بألوان الفلوماستر أو الجواش ثم الطباعة

انعكاس 2

تحتاج إلى مرآة متوسطة الحجم بحيث يمكن حملها و التحكم فيها و في ذات الوقت يمكن لجميع من في الفصل رؤيتها قم بتجربة هذه الأشياء وفي كل مرة اسأل المخدومين عما يرون 1. امسك المرآة بالمقلوب بحيث يرى المخدومون خلفيتها 2. قم بوضعها خلف حاجز يقف عائقا بينها و بين المخدومين 3. قم بهزها بسرعة 4. امسكها بحيث يرى المخدومون أنفسهم بوضوح

إذن فهناك بعض الشروط لكيما نرى الانعكاس بوضوح: 1. يجب أن تكون المرآة متجهة في الاتجاه الصحيح، 2. يجب ألا يقف عائق بين عينيك و المرآة، 3. ينبغي للمرآة الثبات و السكون

لقد أمرنا السيد المسيح أن نكون مرايا تعكس نوره للعالم، لذا ينبغي لنا

أن نتجه في الناحية الصحيحة بأن نثبت عيوننا عليه فإن حولنا نحوه القفا لا الوجه يستحيل أن نعكس صورته+ ينبغي ألا ندع العالم و شهواته يقف عائقا بينناو بين ربنا ينبغي لنا السكون في حضرة الله فكلما قضيناالوقت معه في خلوة كلما ننظر مجده و نصير شبهه فنعكس صورته بوضوح

Source: http://www.egadideas.com/ideas.asp

:( وجه التشابه الوحيد

هدف اللعبة توصيل مفهوم الاختلافات الفردية ما عدا شئ واحد مشترك بيننا جميعا؛ كلنا خطاة و نحتاج إلى خلاص و غفران المسيح

يقف المخدومون، ثم تقوم بسؤالهم عن شئ مثل اللون المفضل أو الأكلة المفضلة أو شهر الميلاد أو شفيعهم من القديسين - عند سماع كل سؤال،المطلوب من كل لاعب تكرار اجابته بصوت عالي و البحث عن شخص واحد لديه نفس الاجابة ليقف معه قبل أن يعلن الخادم وقت التوقف - بعد كل سؤال توقف اللعبة و تقوم بالتعليق واعلان أسماء اللاعبين الذين بقيوا وحدهم - بعد 3ـ4 أسئلة يعود المخدومون للجلوس في أماكنهم و تناقش ما حدث أثناء اللعبة. اسألهم عما إذا تشابه شخصان في كل الاجابات. ناقش مفهوم الاختلافات الفردية و اسألهم عن وجه الشبه الوحيد بين كل البشرو هو الخطية

Source: The Big Book of No-Objects Object Talk

شجرة الوزنات

يمكن استخدام هذا النشاط كتطبيق على درس الوزنات كما يصلح استخدامه في خلوة مع النفس كوسيلة لاكتشاف الذات و شكر الله على عطايا - يحتاج كل فرد إلى نسخة من صورة الشجرة - داخل كل ثمرة، اكتب اسم نشاط أو خدمة أو عمل تقوم به - على الجذور، اكتب الوزنات و المواهب والمهارات التي تمكنك القيام بتلك المهام Source: "Team Games for Trainers" by Carolyn Nilson

!انعكاس

تحتاج مرآة لكل لاعب (من الممكن اعادة استخدامهم في أنشطة أخرى أوتزيينهم لاحقا) و كشاف نور قوي لكل مجموعة (يمكن استبداله باستخدام أشعة الشمس متى أمكن) - يقسم اللاعبين إلى مجموعات صغيرة تتكون من 4 إلى 6 أفراد - تغطى الكشافات بقطع من الكرتون بها ثقب يسمح باطلاق شعاع مركز من الضوء - يقف اللاعبون في كل مجموعة على صورة دائرة - يمسك أحد اللاعبين في كل مجموعة بالكشاف ويسلط شعاع الضوء على مرآة اللاعب الواقف بجواره - المطلوب من المجموعة تمرير شعاع الضوء حول الدائرة باستخدام مرايا اللاعبين قبل أن تقوم المجموعات الأخرى بهذا المناقشة كيف نصير نحن نورا للعالم ؟ كيف نعكس نور المسيح حول العالم؟ The game is from "Working Together: 55 Team Games" by Lorraine L. Ukens

من الذي يستحق الحياة؟

ابدأ باختيار ثمانية من المخدومين

+ قل لهم أن يتخيلوا أنهم كانوا من ركاب سفينة قد غرقت و لم يتبق من الركاب سواهم و قد ركبوا مركب صغيرة للنجاة + للأسف عددهم يهدد حياة المجموعة فينبغي التضحية باثنين من الثمانية ركاب لكيما تنجو الأغلبية + وزع على اللاعبين أدوار مختلفة مثل الطبيب و الطفل و العجوز و العاطل عن العمل و لاعب الكرة المشهور و الكاهن و اللص و المرأة الخاطئة، إلخ + يمثل كل لاعب دوره و يقوم بالدفاع عن نفسه شارحا لماذا يستحق الحياة + بعد سماع الدفاع يقوم كل الفصل بالتصويت لتحديد من الذي يستحق الحياة ++ قم بمناقشة الأساسات التي استخدمت لتحديد قيمة الأفراد و قارنها بقيمتنا في نظر الله ++ ادرس تعاملات السيد المسيح مع شخصيات متعددة مثل زكا و المرأة الخاطئة الفكرة مأخوذة من http://insight.typepad.co.uk/insight/2008/05/shipwrecked---a.html#more

!!! تأملات علمية مدهشة

اضغط هنا (http://www.4shared.com/file/206519537/3ae44eae/Science.html) لتنزيل كتاب تأملات علمية مدهشة - استخدام مبادئ علمية لتعليم حقائق من الكتاب المقدس

للمزيد من المصادر العربية:

http://www.arabicresources.com/

رسالة من الله

محتوى الرسالة:

. آيات من الكتاب المقدس أو مقطتفات من كتب مثل الله يدعو (انجليزي أو عربي) أو أنت موضوع حبي لأبونا تادرس يعقوب ملطي أو محبة بلا حدود للاب ليف جيليه. حاول حينما أمكن ارسال رسائل متنوعة لا تصوير رسالة واحدة لكل المجموعة

أين و متى؟

ارسلها للمخدومين بالبريد أو عبر الانترنت أو قدمها لهم في الافتقاد أو الاجتماعات أو ارسل رسالة يومية لكل غرفة في المؤتمرات مما يتيح لك أكبر مساحة للابتكار و استخدام بعض من الأفكار التالية

: أفكار متنوعة
+ ضع الرسالة في زجاجة
+ اكتب الرسالة على خامات غريبة مثل أوراق البردي
+ خبء الرسائل أو الصقها في أماكن غير متوقعة؛ على السقف مثلا!!
+  استخدم شفرة أو أحد ألعاب الكلمات في كتابة الرسالة
+  يمكنك اقامة مسابقة للبحث عن هذه الرسائل
+ إذا قمت باستخدام أساليب متنوعة يمكنك التعليق على تنوع الطرق التي يحدثنا بها الله كل يوم و احتياجنا للانصات لصوته و البحث بشغف عن كلامه و رسائله اليومية لنا

قلب واحد

. نشاط جماعي يصلح استخدامه لعدة أهداف مثل المحبة أو جسد المسيح الواحد أو كمجرد نشاط للتعارف

. قم برسم قلب على فرخ ورق كبير ثم قصه على أشكال قطع البازل . يقوم كل طفل بتزيين قطعة البازل الخاصة به بالرسم و الكتابة عما يحبه و عما يميزه . يقوم الأطفال بتركيب البازل ثم تلصق على فرخ آخر و تعلق في الفصل

لعبة الثلج

تحتاج إلى عدد كبير من مكعبات الثلج ومجموعة من أدوات المطبخ المختلفة لكل فريق

يأخذ كل فرد في الفريق أداة مختلفة ثم يقف كل فريق في صف

. يسمح للفريق ترتيب أفراده كيفما يشاؤون

مع اشارة البداية مطلوب من كل فريق محاولة تمرير أكبر عدد من مكعبات الثلج ، في وقت محدد، من أول الصف لآخره باستخدام الأدوات فقط

. هدف اللعبة هو العمل نحو هدف واحد باستخدام أدواتنا -وزناتنا و مواهبنا- المختلفة، مثال لكوننا أعضاء مختلفين في جسد المسيح الواحد

بدون تعليق ١

!! صورة تساوي ألف كلمة

... ماشي معاه

أفلام كرتون قصيرة و بسيطة بتوصل مفاهيم حلوة عن علاقتنا بربنا http://www.donghaeng.net/english/main.htm

تعارف

قسم الفصل لمجموعات صغيرة 10-5

: المجموعة اللي ترتب نفسها الأول حسب اللي أنت تحدده تكسب نقطة

...يعني مثلا حسب الطول، مقاسات الجزم، اسم الأب، تاريخ االميلاد

ممكن اضافة شروط اللعبة : عدم الكلا م أو تغطية عيونهم

مزيد من ألعاب االتعارف

عمرك دقت المانجوستين؟

. درس لا ينسى عن معرفة الله

. أحضر نوع من أنواع الفواكه الغريبة مثل المانجوستين

يمكن شراء الأنواع الغريبة من الفواكه من بعض المحلات التي يرتادها الأجانب و لن تحتاج سوى

. القليل جدا منها

. في البداية اسأل من يريد أن يتذوق هذه الفاكهة

. أدع أحد المخدومين يذوقها ثم يصفها لأحد زملائه

اسأل الشخص الذي سمع هذا الوصف عما إذا كان أحب المانجوستين- سماع الوصف لا يكفي

. للحكم ـ ثم أعطه الفرصة ليتذوق الفاكهة بنفسه ثم يحكم

. ناقش الفرق بين سماع الوصف و اختبار الطعم بنفسك

. كثيرا ما نظن أن سماعناعن الله و حضورنا للاجتماعات الروحية كافي جدا

. الحقيقة أن معرفة حقائق عن الله مختلف تماما عن معرفة الله معرفة شخصية

سؤال للتأمل : هل تعرف الله عن حق أم أنك اكتفيت بأن تعرف عنه بعض الحقائق المجردة؟

آيات للتأمل: يوحنا1: 43- 49

سؤال للتأمل عن الخدمة هل نملأ عقول المخدومين فقط بمعلومات عن الله أم نشجعهم أن يبدأوا في علاقة شخصية حية معه؟

لعبة ترانيم

لعبة تصلح كمقدمة لأهداف متعددة مثل الفرح أو التوبة

. اختار عدد من الترانيم الملائمة للهدف

. اطلب من أ حد الخدام العازفين عزف مقطع صغير من كل ترنيمة و المطلوب من المخدومين معرفة الترانيم والهدف المشترك بينهم

مين اللي ربنا بيحبه آآآآآآآآآآآآآد كده؟

فكرة بسيطة تصلح لتعليم الأطفال الصغار عن محبة الله الشخصية لكل واحد منهم

.احضر علبة صغيرة بغطاء و الصق مرآة في قاع العلبة

. اذهب الى الأطفال كل واحد على حدة و قل لكل منهم أن ينظر في العلبة ليرى صورة شخص يحبه الله كثيرا جدا

!!... للأسف ... بس لحسن الحظ

.هدف اللعبة الله يعمل للخير و ممكن تستخدم كمقدمة لدرس كتاب عن يوسف

:خلي المجموعة تقعد في دايرة و المفروض كل واحد في دوره هيقول جملة بحيث يكونوا قصة بس بشروط-انظر المثال بالأخضر

أول واحد يبتدي بحاجة كويسة - سافرنا اسكندرية في الأجازة

تاني واحد يقول جملة بتبتدي ببس للأسف و تكون ليها علاقة بالأولى - بس للأسف العربية عطلت

التالت بيقول خبر حلو ليه علاقة بالجملة التانية - بس الحمد لله لقينا عربية معدية و السواق عرض يساعدنا

.و هكذا بيحاولوا يلاقوا خبر حلو لكل موقف وحش و مشكلة ممكن تتوجد في الخبر الحلو لغاية لما يكملوا القصة على أد ما يقدروا

. ممكن تدي لكل واحد فرصتين مثلا لما مايلاقيش حاجة يقولها و بعدها يطلع بره

:المناقشة

هل كان صعب انك تلاقي حاجة كويسة في المشاكل؟

هل اللعبة دي بتفكرك بأي مواقف في حياتك؟

.. شارك خبراتك و اقرأ معاهم قصة يوسف و خليهم يعرضوها بنفس طريقة اللعبة - للأسف ... بس لحسن الحظ

ناقش معاهم مفهوم عمل الله في كل الأشياء للخير

Source: When God Scrambles Your Plans: And 49 Other Complete Lessons for Youth Bible Study

دم المسيح

فكرة توضح ان دم المسيح غفرلنا كل خطايانا :- نجيب سبورة بيضة اللى بيتكتب عليها بقلم (يوكن) ونسأل كل طفل عن الحاجات الوحشة اللى بيعملها وكل حاجة يقولوها نكتبها على السبورة وبعدين نجيب ازازة اسيتون ونحط فيها لون احمر عشان تبقى شبة الدم ونروح نقولهم بصوا بصلب المسيح وسفك دمة كل الخطايا دى تتغفر ونحط شوية اسيتون على صباعنا ونعدى على الكتابة نلاقيها اتمسحت

http://www.yso3.com/Forum/ShowForum.aspx?id=1063

المرايا و ألواح الزجاج

فكرة تساعدهم يفكروا فى مساعدة اصحابهم بدل ما يهتموا زيادة بنفسهم :- تجيبى مراية وتجيبى لوح زجاج وتطلعى طفل صغير يقولك الفرق بينهم (المراية ) لما نبص فيها نشوف نفسنا لكن (لوح الزجاج) لو بصينا فيه هنشوف اللى قدمنا ، وتسأليه اية اللى يحصل لو ببيتنا كلة مصنوع من المرايات ، الجابة هى ان لو البيت كله محوط من المرايات عمر ما الشمس هتدخل ولا الضوء وهيبقى البيت كلة ضلمة ومش هنشوف الورد والجمال اللى حولينا.

http://www.yso3.com/Forum/ShowForum.aspx?id=1063

شمشون

.نشاط مبتكر لدرس شمشون

.غطي علبة لبن بورق بني

. يرسم الأطفال وجه شمشون ثم يضعوا قطعة من القطن بداخل العلبة

! يقوم للأطفال بزرع بعض البذور و الاعتناء بها لينموشعر شمشون

Source: http://www.childrensministry.com/.

يا ترى هتدي إيه؟

فكرة بسيطة تصلح لمجموعة صغيرة من الأطفال

قدم لكل طفل نوع مختلف من الحلوى أو المكسرات في كوب بلاستيك.

.أطلب من الأطفال أن ينتظروا و ناقش ماذا أخذ كل منهم قبل أكل الحلوى

.بعد هذا أحضر صحن كبير و اعرض على الأطفال المشاركة بما يملكون مع زملائهم

.بعد الاستمتاع بأنواع متنوعة من الحلوى ناقش مع الأطفال ما يحدث حينما نتخلى عما نملك من أجل الآخرين

الهدف: العطاء و الخدمة

Source: The Big Book of No-Objects Object Talk (Book)

تخيل لو الأرض قرية صغيرة

...تخيل لو الأرض قرية صغيرة عدد سكانها 100

!شاهد هذا الفيديو لتعرف كم أنت محظوظ

فيديو حلو قوي

اتفرج هنا على فيديو قصير لكن فكرته قوية و مؤثرة جدا

...يصلح استخدامه مع عدد كبير من الموضوعات مثل التماس الاعذار للاخرين و المحبة و التحكم في الغضب

برج بابل

قسم المخدومين مجموعات، و قدم لكل مجموعة نفس الكمية من الخامات

أمثلة الخامات: كوبايات بلاستيك، فوم، كرتون، شفاطات، زجاجات بلاستيك، مواد لاصقة، مقصات

!! المطلوب بناء أعلى برج بدون كلام في خلال ٢٠ دقيقة

للتقييم، أعطي درجات لطول البرج، و وقوفه بدون سند،و عدم الكلام، و مشاركة كل المجموعة، و الشكل النهائي للبرج

لا تنسى مناقشة صعوبة العمل على بناء البرج مع عدم وجود مجال للتواصل

المنارات و السفينة

قبل فترة اللعب، محتاج تجهيز المكان. رتب زي متاهة باستخدام كراسي وصناديق و ترابيزات أو أي أدوات متاحة

تحتاج اللعبة ٤ لاعبين على الأقل و ممكن لعبها في فرق-٤ لاعبين من كل فريق. اختار لاعب يكون السفينة و ٣منارات.غطي عينين السفينة، و اديله البضائع المطلوب توصيلها للمنارات - عبارة عن حلويات. اطلب من المنارات إنهم يقفوا في مناطق متفرقة في المتاهة

مع بدء اللعبة، مطلوب من أول منارة إنه يرشد السفينة ليه. لو السفينة وصلت بتسلم البضائع. لو السفينة خبطت في العوائق أو عدت المنارة بيتنقل الدور على تاني منارة على طول

مناقشة ١:الهدف عن الثقة و اختياراللي نأخذ منهم المشورة

.١. هل شعرت بالأمان و إنت في دور السفينة؟ إيه الأسباب؟

٢. هل تعتقد إن المنارات كانوا هيقوموا بدورهم بنفس الطريقة لو ماكانش فيه حلويات؟

٣. هل في حياتك أشخاص بتثق في ارشادهم؟ مين و ليه؟ في وقت احتياجك بتلجأ لمين؟ مين بيسندك؟

من هنا ابدأ المناقشة عن الثقة، و ما تنساش تناقش إزاي إحنا نتعلم نكون محل ثقة للآخرين و مرشدين صالحين. استعين بسفر الأمثال

مناقشة ٢: الهدف عن دور الكتاب المقدس كمرشد لينا في حياتنا

١. هل شعرت بالأمان و إنت في دور السفينة؟ إيه الأسباب؟

٢. يا ترى إيه مواصفات المنارة أو المرشد المثالي؟ تطبق المناقشة على الهدف. و تناقش التطبيق العملي، امتى و إزاي الكتاب المقدس ممكن يكون لينا مرشد

"سراج لرجلي كلامك و نور لسبيلي"

Game Idea from: Team Building Activities for Every Group (Book)

من يكتم خطاياه لا ينجح

:الهدف

"من يكتم خطاياه لا ينجح و من يقر بها و يتركها يرحم"

هات كوباية بيبسي و كوباية مياه، و حط في كل واحدة منهم زرار.

الزرار ده بيمثل الخطية. لوحاولنا نخبيها ـ كوباية البيبسي ـ مش هاننجح، هاتطفوعلى السطح

أما لو اعترفنا بيها و قررنا نفضحها ـ كوباية المياه ـ هانتخلص منها.. ربنا هياخدها و يرميها في بحر النسيان زي الزرار اللي في قاع كوباية المياه

أعظم فنان

http://www.youtube.com/watch?v=OIJtKxdRQzY

فيديو ممكن يتعرض للشباب علشان نقولهم إزاي ربنا ساعات بيتعامل معانا بنفس الطريقة: نبقى مش فاهمين هوبيعمل كدة ليه لكن نستنى بصبر واثقين إن فيه صورة حلوة هاتطلع في الآخر

"لست تعلم الآن ما أنا أصنع و لكنك ستفهم فيما بعد"

" الله يعمل في كل الأشياء للخير لأولئك الذين يحبونه"

بونبوناية، و لؤلؤة، و بندقة

فكرة بسيطة لدراسة الكتاب في مجموعة أو لوحدك. دور على ثلاث أنواع من الآيات

+ بونبوناية: آية حلوة بتفرحك و تشجعك و تفكرك بوعود ربنا المعزية +

+ لؤلؤة: آية أول ما تشفها تحس ،هي دي اللي كنت بدور عليها، زي مثلا الآيات اللي تحس إنها بترد على تساؤل معين كان عندك+

+ بندقة: آية صعبة الفهم، محتاج تكسر قشرتها عشان تدوق حلاوتها. +

للدراسة في مجموعة، ممكن تخصص علبة لكل نوع من الآيات و تشجع المخدومين إنهم يطلعوا التلات أنواع من القطعة اللي بيدرسوها

للدراسة لوحدك، خصص علامة مختلفة لكل نوع من الآيات، و استخدمها في كتابك الشخصي. خصص كراسة فيها تلات أجزاء علشان تجمع كل نوع من الآيات مع بعض.

يمكنك أيضا طبع هذا النموذج واستخدامه.

تمييز صوت ربنا

استخدم لعبة كمبيوتر بسيطة لفتح مناقشة عن تمييز صوت ربنا. ممكن تجربة أو تحميل اللعبة من http://www.doublegames.com/funnybuttons.html هدف اللعبة ببساطة: ساعد الزرار الأخضر إنه يعيش بإنك تحركه ناحية الأزرار الزرقاء و تبعده عن الأزرار الحمراء. الأزرار المربعة بتغير السرعة Tag Line: Help a green button survive in the button world. Collect the blue buttons and avoid the red ones..... ابدأ بدعوة ٢-٣ من المخدومين لتجربة اللعبة. بعدها اسألهم عن مدى صعوبة التمييز بين الأزرار الزرقاء والحمراء. استخدم اللعبة في توضيح بعض المفاهيم: كتير بنكون عايزين نتبع صوت ربنا -الأزرار الزرقاء- و نبعد عن سكة إبليس-الأزرار الحمراء- بس مشكلتنا بتكون في إننا مش قادرين نميز اسأل هل زيادة لسرعة أو بطءها أثر في قدرة اللاعب على التمييز؟ صعب إن الواحد يسمع صوت ربنا في وسط الزحمة و مشاغل الحياة و ريتمها السريع. علشان كده دايما وقت الخلوة مع ربنا في هدوء بيساعد إنك تميز صوته. كل حاجة في الدنيا دلوقتي صوتها عالي و بتحاول تلفت انتباهك بكل الطرق، بص للإعلانات مثلا؛ بس ربنا يسوع وديع و هادي، لا يصيح و لا يسمع أحد في الشوارع صوته. اقرا و ناقش ١ملوك ١٩: ١٢ ، و بعدها ممكن تستعمل المثل ده. لو جبت كوباية ازاز و مليتها زلط و رملة و مياه و قلبتها، صعب إنك تشوف اللي فيها بوضوح و تميزه؛ بس لو حطيتها تهدأ و تصفو على الرف هتقدر تشوف. الكوباية دي زي عقلنا بالظبط؛ صعب يميز صوت ربنا في وسط الحركة السريعة و زحمة و دوشة الدنيا، محتاج يهدأ و يصفو في خلوة مع ربنا. أخيرا، اسأل اللاعبين هل لو لعبوا نفس اللعبة كذا مرة قدرتهم على التمييز هتتحسن؟ اتكلم عن الحواس المدربة و إزاي القرب من ربنا و العشرة المستمرة معاه بتخلي صوته أوضح لينا؛ زي بالظبط لما يكون واحد صاحبك بتكلمه في التليفون كتير فأول ما يكلمك و ترفع السماعة بتميز صوته من غير تفكير

كدبتين وحقيقة

اللعبة بسيطة جدا و تنفع كلعبة تعارف أو كمقدمة مناقشة عن الكذب.ابتدي بإنك تقول للمجموعة 3 جمل عن نفسك, واحدة منهم بس اللي حقيقية. المطلوب إنهم يعرفوا الجملة الحقيقية. كلعبة تعارف, وزع ورق على المجموعة و خلي كل واحد يكتب اسمه و كدبتين و حقيقة عن نفسه. جمع الورق و خلي كل واحد يسحب ورقة و يقراها للمجموعة علشان يخمنوا الحقيقة. كمقدمة مناقشة, خلي شخصين كمان يجربوا. بعدها ابتدي ناقشهم هل كان أصعب اختيار الكدبتين و لا الحقيقة؟ اسأل المجموعة إزاي عرفت الكدب من الحقيقة؟ هل كان صعب اكتشاف الحقيقة؟ في مواقف كتير في حياتنا, بيبدو إن الكذب أسهل كتير من قول الحق. و كتير لما بنتزنق في المواقف دي, بنفتكر إن أهم سؤال نسأله لنفسنا هو "يا ترى هتكشف و لا لأ؟" يا ترى إيه الأسباب اللي بتخلي الناس تكدب؟ و إيه الأسباب الحقيقية اللي عشانها المفروض نختار الحق؟ و هل في رأيكوا في أوقات الواحد صح إنه يلجأ للكدب؟ يعني فيه كدبة بيضاء؟ طيب إيه الحل لما نتزنق في موقف صعب؟

المعطي المسرور

اطلب من الفصل إنه يمثل بعض المواقف, و ركز على مناقشة المشاعر و تعبيرات الوجه. أمثلة للمواقف: اكل آيس كريم- بتلعب كرة- داخل امتحان- قابلت واحد صاحبك بتحبه- بتذاكر-زعلت ماما و بابا-بتدي العشور أو بتساعد المحتاجين بعد المدخل, ركز معاهم على آخر نقطة, إن "المعطي المسرور يحبه الرب" فإني لازم لما أدي حاجة من عندي أكون فرحان و مبسوط و أنا بأقدمها, و احكيلهم قصة عن العطاء زي الأنبا ابرآم أو قصة الأرملة. في النهاية, اقترح إن اللي يقدر ممكن يجيب معاه المرة الجاية لعبة أو هدوم صغرت عليه علشان نقدمها للمحتاجين, و أهم حاجة: يقدمها بفرح لأن المعطي المسرور يحبه الرب"" Source: The Big Book of No-Objects Object Talks (Book)

لعبة عن الخدمة

اللعبة عبارة عن سباق. :كل فريق بيمثله 3 لاعبين و بيحتاج صندوقين. واحد من كل فريق بيكون حاطت كل رجل في صندوق و الاتنين التانيين بيلعبوا دور الخدام بانهم يوطوا و يمسكوا الصناديق للاعب ده (انظر الصورة). أول ما يبدأ السباق, بيبدأوا الخدام يحركوا الصناديق بحيث إن اللاعب التالت يتقدم في السباق بإنه يحط رجله في الصندوق مكان ما الخادم بيحركه. شرط اللعبة إن اللاعب اللي واقف في الصناديق رجله ماتلمسش الأرض.بعد ما يخلص السباق بتبدأ المناقشة عن مين كان القائد الحقيقي في السباق (الخدام). اللعبة دي بتوضح إن الخادم بيقود المخدومين لما بيتواضع و ينزل يخدمهم (من أراد أن يكون منكم أولا فليكون آخرا)