انا مبسوط

و إنت بقى، إيه رأيك؟ متفق و لا مختلف مع المتكلم؟ إيه بيخليك مبسوط؟

(المصدر: رسالة من خادم)

أفكار حفلات لحضانة

دي مجموعة أفكار شارك بيها خدام المجموعة على facebook.. قررنا نقلها هنا عشان يستفيد بيها عدد أكبر من الخدام:

+ ممكن تبدا ب ايروبكس ( ترانيم او موسيقى أو أغاني أطفال)

+ لعبه القمع بتاع المرور او الكرتونه: احضر 8 كراتين تقسمهم اربعه اربعه وفي مسافه خطوه بين التانيه وفى فريقين مكون من اى عدد والاولاد يمشوا زجزاج بين الكراتين والفريق السريع هو الكسبان

+ الاولاد بيحبوا قوى تلوين الوش

+ لعبه المشابك: احضر حبل واثنين خدام يمسكو الحبل وهناك فريقين يمسكوا المشابك ب الفم ويحطوها فى الحبل وكل فريق يحط فى ناحيه والعدد الاكتر هو الكسبان (لو ب الفم صعبه انا خليت الاولاد يمسكوها بايديهم عشان صغيرين)

+ فقرة مسرح العرائس بيعشقوها جداااا

+ فيه اعمال يدويه احضار صورة تلوين وصمغ وتجيب ورق ملون متقطع صغير خالص وتعملى ب الصمغ فى صورة التلوين وتخلى الاولاد يحطو الورق الصغير ويلزقوه 

+ قصه: كنا بنسمعها زمان بتاعت القرد ميمو اللى دايما ياكل الموز ويرميه فى الارض وكان معاه صحبه بيقولو متعملش كدة وهو يقوله لا اصل بحب اضحك على الناس وهما بيقعوا ....يمشى واحد وهو ماشى وهب يتزحلق وهو يضحك والتانى وهب يقع وهو يضحك لحد لما ملئ الارض كلها اشر موز راحت مامته قالتله جيب حاجه من البقال وكان معاه شنطه موز كتيييير ولما نزل بص كدة مكنش عارف يمشى وكان ماشى على طراطيف صوابعه وهو ماشى بياكل ويوقع على الارض وهو راجع ومش واخد باله راح وقع على الارض ايديه وجعته مشى شويه كمان وهب وقع على ايديه التانيه قال اه يا ايدى مشى حبه كمان وهب اتزحلق ورجليه وجعته مشى كمان وهب رجليه التانيه وكذلك جانبو وراسه لحد لما فضل ينادى على مامته ومامته كلمته وقال مش ارمى تانى حاجه فى الشارع .... ممكن تفرشى ملايه على الارض وتخلى الاولاد يقعوا على الارض لما تقولى (وهب)

+ لعبة فين المختفى فى الصف: هتوقفى عدد من الولاد وطلعى منهم واحد وبعدين تخلية يحفظ شكلهم كويس وبعدين يخرج برة وطلعى واحدمن الصف وتخبيةوتجينى الولد اللى بره وبقوليلة مين الى مش موجود

+ لعبة طار الحمام: وهى انك توقف الولاد على شكل نصف دايرة وتقولى طار الحمام فيقومو برفع ايديهم وبعدين تقولى نام الحمام فيقومو بتنزيل ايديهم والى يتلغبط يطلع برة لحد ما يفضل واحد تديلة هدية

+ لعبة تقليد الاصوات: انك تواقفى الولاد صف وتشاورى على حد فيهم وتقوليله قلدلى صوت كذا زى الحيوانات او العربيات مثلا

+ لعبة الجراد: دى فيها حركة كتير انك تبعثرى شوية حاجات على الارض زى ورق اوظلت حسب المكان بعد كدة تطلبى من الولاد انهم يجمعوها بسرعة واللى يجمع اكبر عدد هو الى يفوز

(ربنا يعوض كل من له تعب في المشاركة بهذه الأفكار)

أفكار أنشطة لقصة حياة موسى النبي

+ طفولة موسى النبي: قم بعمل سلة من الورق و ضع بداخلها عروسة (كوسيلة إيضاح) أو صورة مطبوعة لطفل رضيع (عمل يدوي)

+ العليقة المشتعلة: قم بطبع صورة التلوين. يلصق الأولاد قطع من أوراق الكوريشة الملونة بالوان النيران.

+ الضربات العشرة: قم بطبع نسختين من صورة الضربات العشرة. قوم بفصل كل صورة على حدة، وتفيذ لعبة الذاكرة باستخدام الصور:

+ شق البحر الأحمر: قم بتنفيذ هذا النموذج باستخدام الورق والورق المقوى. يرسم الأولاد الشخصيات و يثبتوها بين شقي البحر.

+ عامود السحاب وعامود النار: قم بعمل كارت من الورق لونه لبني فاتح من ناحية (النهار)، و لون غامق من الناحية الاخرى (الليل).. يلصق الأولاد قطع من القطن الطبي كمثال عامود السحاب بالنهار، و يلصقون قطع من ورق الكوريشة بالوان النيران من الناحية الاخرى، ثم يكملوا كلتا الصورتين بالرسم. بداخل الكارت، يكتب الأولاد  أية الدرس أو صلاة قصيرة  يشكرون فيها الله على حمايته.

+ الوصايا العشر - عمل يدوي.