فكرة لعمل ماسك للاطفال

تحتاج إلى: طبق ورق لكل طفل، ورق مقوى لعمل الأذن، عصا صغيرة ليمسك منها الماسك، قطن (ماسك الحمل)، خيوط صوف (ماسك الأسد)، مادة لاصقة، مقص

تفرغ الدائرة الصغيرة من الأطباق الورقية بحجم مناسب لرأس الطفل.
تقص الاذن من الورق المقوى.
تلصق الأذان وتثبت العصا.
تضيف الخامات الاضافية للتزيين: قطن لماسك الحمل، خيوط صوف لماسك الأسد.

المصدر

الايمان

مسرحيات و اسكتشات

مسرحيات و اسكتشات من موقع مدارس الأحد. ممكن تعدل فيها حسب احتياجاتك و تستخدم منها اللي يناسبك:

كم من الاسماء تحفظ ؟

يجلس الأطفال في شكل دائرة

تعطي كرة لأحد الاطفال ثم تذكر احد الفئات (طيور او حيوانات مفترسة أو إسم أحد أصفر الكتاب المقدس أو إسم قديس) و تعد الى الخمسة وخلال هذه الفترة على المتسابق ان يذكر اسم حيوان من الفئة التي ذكرتها و الذي يخطئ يخرج من اللعبة ثم تعطي الكرة لشخص اخر ... الفائز هو من يظل صامدا لآخر اللعبة

صورة للتعليق

الأرملة و الفلسين

دي فكرة استخدمناها لدرس الأرملة اللي ادت الفلسين لسن تالتة إبتدائي: 

أثناء مراجعة درس الأسبوع اللي فات، مررنا صندوق العطاء على الفصل،  واتفقنا إن واحد من الخدام هاياخد دور الأرملة - يكون قاعد في وسط الأولاد و يحط  العطاء بمنتهى الهدوء من غير ما يلفت الانتباه أو حد يعرف حط كام، و واحد تاني من الخدام يحط 100 جنيه مثلا ويتباهى بيها ويلفت الأنظار.

بعدها  يسأل  الخادم اللي هايقول الدرس "تفتكروا مين ادى أكتر في عنين ربنا؟" ويبدأ في الحكاية...

- ملاحظة: في نهاية الدرس وضحنا للاولاد إن دة كان زي مسرحية، علشان مايفهموش الخدام بصورة غلط - ممكن لو تحب، تديهم أسماء وزي  شخصيات طفلين بحيث يبان أكتر إنه تمثيل 

الكتاب المفتوح

فكرة بسيطة ممكن تعلمها للاولاد علشان يفتكروا يقروا في الكتاب المقدس كل يوم:

خلي كتابك المقدس في مكان معين بتروحله كل يوم (على المكتب مثلا) وافضل سايبه مفتوح على الصفحة اللي هتقراها تاني يوم، بحيث كل يوم لما تيجي تقعد على مكتبك علشان تذاكر، تلاقيه قدامك مفتوح على الصفحة اللي المفروض تقراها. 

فكرة كمان: ممكن تخلي الصفحة الرئيسية على الكمبيوتر بتاعك هي صفحة الكتاب المقدس من موقع الأنبا تكلا:
http://st-takla.org/Holy-Bible_.html
بدوسة زرار، تقدر توصل للاصحاح اللي ناوي تقراه و ماتكسلش :)