أفكار لحفلات اعياد الميلاد الخدام وإعداد الخدام

الأفكار مناسبة لحفلات أعياد ميلاد الخدام أو مجموعات صغيرة من الشباب، و يمكنك التعديل في بعض الأفكار بحيث تناسب المجموعات الأكبر 

+ ممكن تحط مكان الهدية مكتوب فى ورقة و محطوط فى بالونة منفوخة و مكتوب عليها اسم الخادم و البالونات دى تعلقها فى السقف مع الزينة و فى الاخر تقول لهم كل واحد يدور على اسمه و يعرف مكان هديته

+ ممكن تلصق على الحيطان اوراق ملونة ، كل ورقة عليها من فوق اسم الخادم اللى بيحتفل بعيد ميلاده .. وكل خادم من الخدام لما يدخلوا القاعة يكتب لكل واحد كلمة معايدة على الورقة بتاعته ، وفى الاخر ياخد كل واحد ورقة المعايدة بتاعته..

+ اقعدوا كل الخدام ف دايرة ، وقل اول اسم هايكون عيد ميلاده، وابتدى من اول الدايرة كل واحد يوصف الخادم ده بكلمة وهكذا لغاية ما تخلص الدايرة.. وبعدين قول تانى اسم وكلهم واحد واحد يقول كلمة عنه .... وهكذا

+ اكتب وعود من الكتاب المقدس وايات معزية ووزعها على الكل ف اليوم ده، تكون كلمة بركة وتعزية وفرح ليهم ...

+ لو عايز تعمل حاجة مميزة وعندك وقت وجهد.. ممكن تعمل فيديو بالموفى ميكر يكون عنهم بالصور والفيديو، او حتى بالصور بس.. بس تكتب تعليقات حلوة مع الصور الخاصة بكل واحد، وتكون مثلا صور من مؤتمرات هو شارك فيها او حفلات فاتت فى مدارس الاحد او اى نشاط قاموا بيه قبل كده .. وف الاخر تعمل كلمة شكر ليهم كلهم ...

+ و ممكن تتعمل شهادات تقدير للكل تكون بسيطة وممكن تتلف بستان يتكتب عليه اسم كل واحد ويبقى فيها شكر لتعبهم من اجل خدمتهم طول الفترة اللى فاتت وتشجيعهم يكملوا احسن واحسن..

+ في الاخر اعملوا اجتماع صلاة ولو صغير وصلوا فيه ان ربنا يبارك السنة الجديدة في حياة كل واحد منهم ... وربنا يبارك خدمته دايما ف كل مكان 

(الأفكار منقولة من مناقشات الخدام على مجموعة Ideas4Servants بتصرف - ربنا يعوض كل الخدام المساهمين بكل صورة.)