النشاط ببساطة عمل صورة كبيرة لعلم مصر من مستطيلات صغيرة من الورق و ألوان فلوماستر:
كل واحد من الأولاد ليه مستطيل صغير يلونه بأحد ألوان العلم (أحمر أو أسود لأن الأبيض بيكون جاهز بلونه)، وبعدين بتتجمع كل الاوراق علشان نكون علم مصر. أكد عليهم اننا نحاول نلونه حلو، بعناية وإهتمام.
(ممكن ترقم المستطيلات من الظهر قبل ما توزعها على الأولاد للتنظيم وتسهيل توصيل الفكرة)
الأهداف اللي عايزين نوصلها:
- كل واحد فينا ليه دور صغير في اننا نخلي بلدنا أحلى
- أدوارنا مش كلها زي بعض، بس علشان نكون العلم محتاجين كل الألوان (الأدوار)
- فيه أدوار حد تاني بيعملها (الابيض الجاهز)، بس مش معنى كدة اني أقول خلاص، أنا ما ليش دور، الناس التانية (أو الناس الكبيرة) بس هي المسؤولة. العلم مش ممكن يتعمل باللون الابيض بس!
- لو أنا "كروت" في دوري و ما عملتوش بأمانة (لونت المستطيل باهمال أو بلون مش مظبوط)، ده هايأثر على شكل العلم في الأخر.
ناقش مع الأولاد: إيه ممكن يكون دوري؟
أمثلة: أراعي مذاكرتي وشغلي بأمانة، أحافظ على نظافة وجمال بلدي، أراعي القانون و أحافظ على النظام (في تعدية الشارع مثلا)، احترم الشرطة و كل واحد حوالي بيساعد في إن البلد دي تكون أحلى، إلخ
(الصورة من مجموعة مصر بكرة بينا أحلى)
(الصورة من مجموعة مصر بكرة بينا أحلى)
المشاركات
ليست هناك تعليقات:
إرسال تعليق